澳門巴士

澳門發財車

【明報專訊】澳門賭場公司目前各自經營發財巴,巴士車隊數目隨時同澳門三家巴士同的士有得揮,噚日身兼澳門立法會議員嘅四太梁安琪係立法會辯論期間問到,將來點處理發財巴嘅問題時,點知佢哋運輸工務司司長羅立文就爆咗句,希望6家賭牌公司一齊成立公司營運發財巴,仲提出車身用純白色,在最多內地客過境嘅關閘一滿客就走,咁發財巴數目就自然大大減少。顏色同𠵱家路氹幾間賭場夾份搞嘅穿梭巴同色。

車身統一用純白色

如果成事,第日賭仔過大海時,要考考眼力先知邊架車去邊度。同時,澳門又為賭牌問題,搵嚟澳門大學做新一輪研究,了解由2020年到2030年時博彩業要去到乜嘢規模先符合經濟多元化,仲希望研究埋同為賭牌數目定一個範圍,畀政府在重新競投賭牌時考慮。據講份報告係下年第三季前完成。似乎澳門政府正密密出招,為賭牌續牌問題仔細盤算。

X 碳中和投資基金